विराटनगर । रोटरी क्लब अफ विराटनगर डाउनटाउनले विरामीको उपचारका लागि आर्थिक सहयोग गरेको छ । घरेलु सहयोगीका रुपमा काम गर्दै आएकी नितु राईका पतिको उपचारका लागि क्लबले २४ हजार ५ सय रुपैयाँ सहयोग गरेको हो ।
राईका पति केही महिना अघिदेखि पक्षघातका कारण थलिएका छन् । अत्यन्तै विपन्न भएकाले पतिको उपचारमा राईलाई कठिनाई भएको थियो । आर्थिक अवस्थाका कारण उनी श्रीमान्को उपचार आफैंले गर्न सक्ने अवस्थामा थिइनन् ।
सोही कारण क्लबले नगद सहयोग गरेको रोटरी क्लब अफ विराटनगर डाउनटाउनकी अध्यक्ष मञ्जु अग्रवालले जानकारी दिइन् ।
