विराटनगर । विश्व पोलियो दिवसको अवसरमा रोटरी क्लब अफ विराटनगर डाउनटाउनसहित विभिन्न पाँच वटा क्लबको संयुक्त आयोजनामा विराटनगरमा र्याली निकालिएको छ ।
रोटरी क्लब अफ विराटनगर डाउनटाउनको अगुवाईमा विराटनगरका पाँच वटा क्लबहरुसँग समन्वय गरि र्याली निकालिएको हो । बिहीबार विराटनगरस्थित रोटरी भवनबाट पोलियो उम्मुलन गरौँ भन्ने नारासहित निकालिएको र्यालीले नगर परिक्रमा गरेको थियो ।
डिस्ट्रीक्ट गभर्नरसँग सोधेर अब पोलियो अन्त्य गरौँ भन्ने नारा लेखिएका टिसर्ट, क्याप र प्लेकार्डसहित र्यालीले नगर परिक्रमा गरेको हो । र्यालीमा रोट्रायाक्टहरु, एडप्ट स्कूलका विद्यार्थीहरु, शिक्षकहरुसहित, क्लबहरुका पदाधिकारी र सदस्यहरु ग्रि सयौँको सहभागीता रहेको रोटरी क्लब अफ विराटनगर डाउनटाउनकी अध्यक्ष मञ्जु अग्रवालले जानकारी दिइन् । र्याली पछि सहभागीलाई खाजा खुवाएर विदाई गरिएको थियो ।
