रंगेली । मोरङमा एक बालकको डुबेर मृत्यु भएको छ । रंगेली नगरपालिका ८ दर्वेशा भमनपुरस्थित टोल बस्ने विकाश चुरौटेका छोरा करिब १ वर्षीय समर चुरौटेको आफ्नै घर आँगनमा रहेको पानी जमेको खाल्डोमा डुबेर बिहीबार दिउँसो मृत्यु भएको प्रहरीले जनाएको छ ।
डुबेर अशक्त भएका उनको रंगेली अस्पतालमा उपचारको क्रममा मृत्यु भएको हो । इलाका प्रहरी कार्यालय रंगेलीका अनुुसार घरमा रहेको कलको पानी जमेको खाल्डोमा डुबेर बालकको मृत्यु भएको हो । घटनाको विषयमा प्रहरीले थप अनुसन्धान गरिरहेको छ ।
