रंगेली । प्रतिनिधिसभाको शिक्षा, स्वास्थ्य तथा सूचना प्रविधि समितिको टोली रंगेली आएर शिक्षा विधेयकका लागि सुझाव संकलन गरि फर्किएको छ । समितिका सभापति अम्मर बहादुर थापा नेतृत्वको टोली रंगेली आएर विद्यालय शिक्षा विधेयक २०८० का सम्वन्धमा आवश्यक सुझाव संकलन गरि फर्किएको हो । उक्त समितिले देशभरबाट प्रतिनिधिमूलक रुपमा विद्यालय शिक्षा विधेयक २०८० का लागि सुझाव संकलन गरिरहेको छ । संकलित सुझावकै आधारमा विद्यालय शिक्षा विधेयक शंसोधन हुने जनाइएको छ ।
संसदीय टोलीलाई रंगेली नगरपालिकामा मेयर दिलिप बगडीया, उपमेयर भुमा पराजुली, वडाध्यक्ष र जनप्रतिनिधिहरुले स्वागत गर्नुभएको छ । समितिको टोलीले पब्लिक माध्यामिक विद्यालयको अनुगमन एवम् निरिक्षणसमेत गरेको छ ।
समितिको टोलीले निरिक्षण गर्दै पब्लिक माध्यामिक विद्यालयको विविध पक्षबारे जानकारी समेत लिएको छ । विद्यालयका विषयमा मेयर बगडीयाले जानकारी गराउनु भएको थियो । संसदीय टोलीले निरिक्षण पश्चात सामुदायीक विद्यालयको स्तरोन्नतीमा रंगेली नगरपालिकाले गरेको कामको प्रसंशा समेत गरेको छ । मेयर बगडीयाले विद्यालयको अनुगमन गर्ने संसदीय टोलीलाई धन्याद ज्ञापन गर्नुभयो । उहाँले पुरानो शिक्षा ऐनले धेरै विषय समेट्न नसकेको बताउँदै आफुले रंगेलीवासीका तर्फबाट आवश्यक सुझाव दिएको बताउनुभयो ।
सो अवसरमा समितिका सभापति थापाले सवैतिरबाट विद्यालय शिक्षा विधेयक चाँडै ल्याउने माग रहेको बताउँदै सोही अनुसार समितिले काम गरिरहेको बताउनुभयो ।
सुझाव संकलन कार्यक्रममा नेपाली कांग्रेस मोरङका सभापति समेत रहनुभएका संघीय सांसद तथा समितिका सदस्य डिग बहादर लिम्बुले कस्तो शिक्षा नीति बनाउने भनेर ७ वटै प्रदेशमा सुझानव संकलन गरिरहेको बताउनुभयो ।
सदस्य, सभापति, शिक्षा, स्वास्थ्य तथा सूचना प्रविधि समिति, प्रतिनिधिसभा
कार्यक्रममा निचामारी आधारभूत विद्यालयका शिक्षक कमलेश मण्डलले जिविकोपार्जन गर्नसक्ने प्राविधिक शिक्षा आजको आवश्यकता रहेको बताउनुभयो ।
से अवसरमा नेपाली कांग्रेसका महासमिति सदस्य रामनारायण मण्डलले अब माग अनुसारको शिक्षा हुनुपर्ने बताउनुभयो ।
कार्यक्रममा अभिभावक भुपेन्द्र कुमार यादवले भौतिक संरचना मात्र नभई शिक्षाको गुणस्तरमा समेत सुधार हुनुपर्ने बताउनुभयो ।
सो अवसरमा समितिका सदस्यहरु, रंगेली नगरपालिकाका मेयर बगडीया, उपमेयर पराजुली, वडाध्यक्ष, जनप्रतिनिधि, नेपाली कांग्रेस रंगेली नगर सभापति जगरनाथ मण्डललगायत, शिक्षक, अभिभावक, विद्यार्थी र स्थानीय नागरिक समाजको उपस्थिती रहेको थियो । उक्त अवसरमा शिक्षा विधेयक २०८० का सम्वन्धमा विभिन्न सुझाव कार्यक्रममा सहभागीहरुले दिनुभएको थियो ।
