विराटनगर, ३ माघ । रोटरी क्लब अफ विराटनगर डाउनटाउनले विपन्न सुकुम्बासी परिवारलाई कम्बल वितरण गरेको छ । क्लबले आइतबार जाडोमा समस्यामा परेका विराटनगर वडा नं. १ स्थित सुकुम्बासी बस्तीका एक सय परिवारलाई कम्बल वितरण गरेको हो ।
विराटनगर महानगरपालिकाका मेयर भीम पराजुलीको प्रमुख आतिथ्यतामा र विराटनगर–१ का वडाध्यक्ष उद्धव अर्यालको उपस्थितीमा जाडोबाट बच्नका लागि सुकुम्बासी परिवारलाई एक सय वटा कम्बल वितरण गरिएको क्लबकी अध्यक्ष संचिता जैनले जानकारी दिइन् ।
कम्बल वितरण कार्यक्रममा क्लकी अध्यक्ष संचिता जैन, सचिव अनिता सारडा, सेवा परियोजना प्रमुख गिरिजा सारडा, जनसम्पर्क प्रमुख मञ्जु अग्रवाललगायत क्लबका पदाधिकारी र सदस्यहरुको उपस्थिती रहेको थियो ।
