विराटनगर, १ पुस । निरन्तर विभिन्न सामाजिक कार्यहरु गर्दै आइरहेको रोटरी क्लब अफ विराटनगर डाउन टाउनले बालबालिकालाई शैक्षिक सामाग्री वितरण गरेको छ ।
क्लबले विराटनगर बखरीस्थित बखरी आधारभूत विद्यालयमा अध्ययनरत विपन्न परिवारका ३० जना बालबालिकाहरुलाई शैक्षिक सामाग्री वितरण गरेको हो । बुधबार एक कार्यक्रमकाबीच विद्यार्थीहरुलाई विद्यालय पोशाक, जाडोमा लगाउने न्यानो कपडा (स्वीटर), ब्याग, जुत्ता, मोजा, कापि, इरेजरसहितको पेन्सिल बक्स, र खाजा वितरण गरेको हो ।
त्यस्तै क्लबले उनीहरुलाई विद्यालय आउन र विद्यालयबाट घरसम्म जानका लागि यातायातको समेत व्यवस्था गरेको छ । क्लबले विद्यार्थीलाई विद्यालयसम्म आउन क्लबकी सर्भिस प्रोजेक्ट चेयर गिरिजा सारडाले सबै सामग्रीको व्यवस्थापन गरेकी हुन् । त्यसका लागि डिस्ट्रीक्ट अफिसर किरण कर्ण, अर्चना शर्मा, अर्चना तापडिया र दिप्ती तोदीले विषेश योगदान गरेका थिए ।
बालबालिकालाई वितरण गरिएको जुत्ता कुसुम चेनवाला र कापिहरू स्वेथी राठीले योगदान गरेकी हुन् । कार्यक्रममा रोटरी क्लब अफ विराटनगर डाउन टाउनकी अध्यक्ष संचिता जैन, सचिव अनिता डारडा, जनसम्पर्क अधिकारी मञ्जु अग्रवाल, किरण कर्ण, दिप्ती अग्रवाल, अर्चना तापडिया, रेखा राठी, कुसुम चैनवाला, श्रुती साह, देवांश राठी र लावण्य सारडाको उपस्थिती रहेको थियो ।
र विद्यालयबाट घरसम्म पुग्नका लागि मासिक १० हजार रुपैयाँ भाडा दिने गरि सिटी रिक्साको समेत व्यवस्था गरिदिएको छ । सिटी रिक्साले विद्यार्थीलाई दैनिक विद्यालय र विद्यालयबाट घरसम्म पुर्याउने रोटरी क्लब अफ विराटनगर डाउनटाउनकी अध्यक्ष संचिता जैनले बताइन् ।
शैक्षिक सामाग्री, खाजा र यातायातको सुविधा पाएपछि विद्यार्थीहरु हर्षित भएका छन् ।
