विराटनगर, २६ असोज । सामाजिक क्षेत्रमा निरन्तर सकृय रोटरी क्लब अफ विराटनगर डाउनटाउनले महिलाहरुलाई आर्थिकरुपमा सवल बनाउन च्याउ खेती तालिम प्रदान गरेको छ ।
क्लबले मोरङको जहदा गाउँपालिका–२ का ३० जना महिला तथा युवतीहरुलाई दिवसको अवसर पारेर च्याउ खेती तालिम प्रदान गरेको हो । मझारेस्थित जनता माध्यमिक विद्यालयमा महिला तथा युवतीहरुलाई आर्थिक रुपमा सवल बनाउन व्यावसायिक च्याउ खेती तालिम दिइएको क्लबकी अध्यक्ष संचिना जैनले जानकारी दिइन् ।
तलिम आयोजना गर्न स्थानीय आरसीसी युवा स्वयंसेवक मधु मण्डलले सहयोग गरेकी थिइन् । २० दिनसम्म सञ्चालन हुने तालिममा कुन्दन प्रसाद मण्डलले प्रशिक्षण दिइरहेका छन् ।
तलिमका लागि क्लबले १०० प्याकेट च्याउको बीउ, एउटा स्प्रे बोतल, २० बन्डल डोरी, २५ किलो चुना, १ किलो प्लास्टिकको पाना, र धानको भुस, मल, तिरपाल, तेल, च्याउका लागि औषधिको चारवटा प्याकेटसमेत वितरण गरिएको छ । तालिम सञ्चालनका लागि २५ हजार रुपैयाँ खर्च लाग्ने जनाइएको छ ।
तलिम उद्घाटनमा क्लबकी अध्यक्ष सचिता जैन, महासचिव अनिता सारडा, जनसम्पर्क अधिकृत मञ्जु अग्रवाल, गिरिजा सारडालगायत क्लबका पदाधिकारी तथा सदस्यहरुको उपस्थिती रहेको थियो ।
