विराटनगर, १२ असोज । सामाजिक कार्यमा अग्रसर रोटरी क्लब अफ विराटनगर डाउन टाउनले बहुउपयोगी पुस्तकहरु हस्तान्तरण गरेको छ । क्लबले एक कार्यक्रमकाबिच ‘हामी युवा’ नामक सामाजिक सस्थालाई सयौँको संख्यामा पुस्तकहरु हस्तान्तरण गरेको हो ।
रोटरी क्लब अफ विराटनगर डाउन टाउन र रोटरी क्लब अफ नोबेल मेडिकल कलेजले २५० वटा भन्दा बढी विभिन्न बहुउपयोगी पुस्तकहरु हस्तान्तरण ‘हामी युवा’ नामक संस्थालाई हस्तान्तरण गरेको हो ।
जिवन दर्शनदेखि विज्ञान प्रविधिसम्मका पुस्तकहरु हस्तान्तरण गरिएको रोटरी क्लब अफ विराटनगर डाउन टाउनकी अध्यक्ष संचिता जैनले जानकारी दिइन् ।
हामी युवा मोरङका संस्थापक सविन दाहालले रोटरी क्लब अफ विराटनगर डाउन टाउनले हस्तान्तरण गरेका पुस्तकहरुले युवाहरुको क्षमता अभिबृद्धिमा सहयोग पुग्ने बताए । ‘हामी युवा’ नामक संस्था विभिन्न सामाजिक अभियानमा सकृय छ ।
क्लकी महासचिव अनिता सारडाले युवा युवतीलाई पुस्तक अध्ययन गरेर सकारात्मक सोचका साथ अगाडी बढ्ने प्रेरणा मिलोस् भनेर पुस्तक हस्तान्तरण गरिएको बताइन् । पुस्तक हस्तान्तरण कार्यक्रममा रोटरी क्लब अफ विराटनगर डाउन टाउनका अधिकांस पदाधिकारीहरुको सहभागिता रहेको थियो ।
रोटरी क्लब अफ विराटनगर डाउन टाउनले कोरोना माहमारीको समयमा संक्रमणको जोखिमलाई पनि बेवास्ता गर्दै सामाजिक कार्यहरु गर्दै आएको छ । क्लबले कोरोना माहमारीको जोखिममा पनि सामाजिक कार्यलाई निरन्तरता दिँदै आएको छ ।
